Unamminermi periutsit arfineq pingasut atorlugit nukeqassuseq aallaavigalugu unammersuartoqassaaq, taassuma iluani qasujaassuseq aammalu ueqattaarnaveersaarnermik unammissutinik imaqarlutik. Una tooruk.

Periutsit tamarmik nassuiaatitaqarput, qanorlu eqqortumik periuseqarluni ingerlanneqarnissaat takuneqarsinnaallutik. Aammattaaq periutsit tamarmik video atorlugu qanoq iliortoqassanersoq nassuiaataat takuneqarsinnaapput. Iliuutsit tamamik aammalu pappiaranngorlugit anisinneqarsinnaapput, eqaarsaarfimmilu ilaarneqarsinnaallutik.
 
Naatsorsuutigilluinnarneqarpoq peqataasut tamarluinnarmik ileqqorissaarlutik unammisartorpalaarlutillu unammersuarnermi peqataanissaat. Unamminermi nalunaarsugassat eqqortumik kisinneqartassapput nalunaarsorneqarlutillu. Taamaasilluni peqataasut tamarmik naligiimmik assigiimmillu unamminissaat anguniarlugu.
 
Pisariaqanngilaq periutsit sungiusarlugillu ataatsikkut ingerlanneqarnissaat. Periutsit assigiinngisut annikitsut piffissami aalajangersimasumik nalunaarsorlugit ingerlanneqarallarsinnaapput, unikkallalaariarlunilu sungiusarneq ingerlateqqinneqarsinnaavoq allallu periutsit nalunaarsorlugit.
 
Peqataasut tamarmik ataatsimut ajugaasinnaanngillat, kisianni peqataasut tamarmik nukittunerulersinnaapput qasujaannerulerlutillu. Eqqaamallugu peqataaneq nuannersuussammat pissarsinarluni minnerunngitsumillu timersorneq peqqinnartoq pissarsiarineqassalluni.
 
Periutsit aallartinneqannginnerini kissasserluarnissaq iluaqutaalluarsinnaavoq, pitsanngoriartornissarlu anguniarlugu sallaatsumik angusinnaasasi qaffatsikkiartorlugit - assoruppallaarsimalluni ajutuunginnissarsi mianersuutigissavarsi.
 
Nuannisarluarisi!